বাইদেউৰ নিচিনা অবস্থা বোধহয় বেছিভাগৰেই। আমাৰ মানত বেংক এটা গন্য-মান্য, আমোলাতান্ত্ৰিক প্ৰতিষ্ঠান। এনেকুৱা এটা ঠাই যত আমি আমাৰ আমাৰ প্ৰয়োজনত যাওঁ, সসন্মানে শাৰী পাতোঁ, আৰু কাম শেষহলে এটা স্বস্তিৰ নিশ্বাস পেলাই কৃতজ্ঞতাৰে ঘৰলৈ আহোঁ।
সেই বেংকেই যেতিয়া উপযাচি গ্ৰাহকক ফোন কৰে, তেতিয়া স্বাভাবিকতেই বেংকে প্ৰস্তাব কৰা নতুন বিত্তীয় পণ্যবিলাক প্ৰত্যাখ্যান কৰিবলৈ গ্ৰাহকজনে শংকা কৰে। আৰু এই শংকাৰ সুযোগ লৈ বেংকবিলাকে গ্ৰাহকবিলাকক নিত্য-নতুন বিত্তীয় পণ্য বিক্ৰী কৰি আহিছে। যেনে মিউছুৱেল ফাণ্ড, ইনছিওৰেঞ্চ ইট্যাদি।
এনেকুৱা প্ৰিডেটৰি প্ৰথাবিলাকৰ বিৰুদ্ধে আৰ বি আইয়ে গ্ৰাহকক সজাগ কৰিবৰ বাবে পদক্ষেপ গ্ৰহণ কৰিব লাগে। আৰ বি আইয়ে এনেকুৱা এটা মেছেজ দিব লাগে যে, বেংকে কোৱা সকলো কথা গ্ৰাহকে চালি জাৰি চোৱা উচিত আৰু প্ৰয়োজন সাপেক্ষহে নতুন বিত্তীয় পণ্য গ্ৰহণ কৰা উচিত।